رسالة من مواطنة غاضبة تعرضت للنصب خلال رحلتها الى الاردن :"
تحذير من الحوادث المفتعله و حسبي الله و نعم الوكيل
مرحبااا للجمييع
بدي بلش بالموضوع سريع
اليوم انا و زوجي و اطفالي تنينن من فلسطين على الاردن لانه عندي عملية و مستاجرين سياره
كنا واقفين بامان الله ع الاشاره و كانت راح ضوي ،بمرق تكسي زي المجنون طاير بسرعة مليون خبطنا و الحمد الله رحمة و لطف من ربنا انه لطف فينا كانت راح تقلب السياره و خبطنا بسيار بجنبنا ، ضل هارب التكسي حاول زوجي يلحقو قام السياره الي خبطنا فيها لحقتنا و الشبب يصرخ و يحكي بتضرب السياره و بضل هارب و احنا نحكيلو التكسي ضربنا و من ضربته خبطناك طبعا السياره ما صرلا اشي الحمد الله و كانت في سيارة تالته غير الي نخبطت ع اساس الشباب الي فيها هم الشاهدين علي صار و كلهم صارو يلحقو بالتكسي و ع اساس بدهم يساعدو
اخدونا ع مكان ما فيو حد و عملو حالهم بطمنو علينا طبعا و جابو عصير و مي و شو تقولو عز النخوه و الرجوله ،بعد كل هالفيلم طلبو مصاري بدهم ٧٥٠ دينار
فهمناهم احنا جايين لعمليه ضروريه و بس معنا مصروف ٣ ايام قامو نزلو المبلغ ل ٤٠٠ دينار حلفنالهم مية يمين ما بضل معنا مصروف اخر اشي اخدو ٢٠٠ دينار ، ما خلونا نجيب الشرطه لانهم خوفونا حكولنا عشانها سيارتكم اجار راح دفعكن شركة الاجار ٢٠٠٠ دينا و راح ينحبس جوزي ١٢ يوم ،،، المهم طلعو عصابه نصابين بتقصدو السيارات السياحيه و بدفعوهم بهاي الطريقه
بس نفسي احكي للشب الي اخد المصاري و يا رب يقرا كلامي اقسم بالله مش مسماحينك بس حسبي الله و نعم الوكيل فيك الله بعلم كيف مدبرين امورنا ما ضل معنا مصاري عمليتي الي بستنا فيهآ ٤ شهور الله بعلم كيف حوشنا هدول المصاري يوم القيامه بتلتقي الخصوم
رقم السياره معنا و مصوره بس بكفيكو عذاب الضمير و حسبي الله و نعم الوكيل ولادي شو زنبهم كنا واعدينهم بيوم الهم و نطششهم كلشييي ضاع
كنا حاسبينهم بالدينار و كيف راح يكفونا بهدول ٣ ايام ... الحمد الله انه صحتنا بخير بس انتو ظالمييين ظالمين "